Масавая бойка каля сінагогі адбылася ў цэнтры Масквы

• 21.03.2026, 18:04

Маладыя людзі напалі на вернікаў.

У Маскве напярэдадні вечарам адбылася масавая бойка каля Маскоўскай харальнай сінагогі ў Кітай-горадзе. Пра гэта паведамляе «Осторожно, новости» са спасылкай на відавочцаў.

Маладыя людзі напалі на вернікаў, якія выходзілі з сінагогі. На відэа чуваць, як яны крычаць «адзін рускі на ўвесь Кітай-горад» і «што адбываецца з рускім светам?». Адзін з нападнікаў паабяцаў «пасадзіць на нож» мужчыну, які выйшаў з сінагогі.

Аўтар відэа лічыць, што ідзе гаворка пра атаку на глебе антысемітызму. «Напалі на людзей за тое, што яны ў кіпе. Магчыма, гэта звязана з вайной у Іране», — заявіў ён.

Улады аб нападзе не паведамлялі. Звестак пра пацярпелых няма.