Упершыню за доўгі час ва Украіне не будзе адключэнняў святла

• 21.03.2026, 22:27

Электраэнергія будзе на працягу ўсіх сутак ва ўсіх рэгіёнах.

Заўтра, у нядзелю, 22 сакавіка, ва Украіне ўпершыню за доўгі час не будзе графікаў адключэнняў святла. То бок, электраэнергія будзе на працягу ўсіх сутак ва ўсіх рэгіёнах.

Пра гэта паведамляе Telegram-канал «Укрэнерга».

«Увага, 22 сакавіка адключэнні не прагназуюцца. Заўтра, у нядзелю, меры абмежавання спажывання не плануюцца», — гаворыцца ў паведамленні.

У той жа час у кампаніі звярнуліся з просьбай, каб людзі карысталіся магутнымі электрапрыборамі ў дзённыя гадзіны — з 10:00 да 15:00.