Саратаўскі НПЗ палае пасля ўдару ўкраінскіх дронаў

• 22.03.2026, 16:43

Пажар на прадпрыемстве працягваецца ўжо другія суткі.

У расійскім горадзе Саратаве другія суткі працягваецца пажар на нафтаперапрацоўчым заводзе. У ноч на 21 сакавіка прадпрыемства атакавалі ўкраінскія дроны.

Пра гэта паведамляе Telegram-канал Exil+.

Паводле спадарожнікавых здымкаў ад 21 сакавіка, да ліквідацыі пажару прыцягнулі каля дзесяці адзінак спецтэхнікі.

У той жа час, станам на апоўдні 22 сакавіка, спадарожнікі NASA працягваюць фіксаваць павышаную тэмпературу ў раёне прадпрыемства.

Гэта сведчыць пра тое, што расійскія службы дагэтуль не змаглі цалкам патушыць агонь.