Неба над Беларуссю азарыла палярнае ззянне

• 22.03.2026, 23:14

Яго ўжо зафіксавалі пад Мінскам, а ўначы шанец убачыць з'яву захоўваецца.

Апошнімі днямі ўзмацнілася актыўнасць Сонца, і да Зямлі прыйшоў паток зараджаных часціц — так званы сонечны вецер. Ён узмацніўся з-за карональнай дзіры — ўчастка на паверхні Сонца, адкуль патокі вырываюцца хутчэй, чым звычайна, піша «Метеовайб».

У выніку на Зямлі назіраецца геамагнітная бура ўзроўню G2, з-за якой палярнае ззянне можна ўбачыць у больш паўднёвых рэгіёнах, чым звычайна. Яго ўжо злавілі пад Мінскам.

У ўмовах горада ўбачыць ззянне будзе праблематычна. Найбольшая верагоднасць злавіць рэдкую з'яву будзе на адкрытай прасторы з добрым выглядам на поўнач, падалей ад гарадскіх агнёў.