ЗСУ нанеслі ўдар па валютных даходах Лукашэнкі

• 23.03.2026, 9:50

НПЗ перайдуць на «галодны паёк».

Ударныя дроны паспяхова атакавалі нафтавыя тэрміналы у порце расійскага Прыморска — гэта ключавы аб’ект для экспарту нафты і нафтапрадуктаў з РФ праз Балтыйскае мора.

Атакі на інфраструктуру РФ на Балтыйскім узбярэжжы скарачаюць магчымасці экспарту нафтапрадуктаў з беларускіх НПЗ па «паўночным маршруце», піша Telegram-канал «Эканоміка Беларусі».

«Унутраны рынак застанецца з палівам (і нават яго лішкамі), але губляецца магчымасць зарабіць валюту», — падсумаваў канал.

Беларусь адпраўляе свае нафтапрадукты праз порт «Прыморск», выкарыстоўваючы яго як перавалачны пункт на Балтыйскім моры. Раней частка прадукцыі ішла праз порты Літвы і Латвіі, але пасля санкцый патокі былі перанакіраваныя праз расійскія тэрміналы.