Відэафакт: у Мінску Mercedes урэзаўся ў слуп на праспекце Незалежнасці

• 23.03.2026, 11:18

Кіроўца быў п'яны?

Чытач паведаміў на форуме Onliner пра аварыю, якая адбылася ўвечары ў нядзелю, 22 сакавіка, на праспекце Незалежнасці ў Мінску. Аўтамабіль урэзаўся ў апору вулічнага асвятлення. На месцы была хуткая дапамога.

ДАІ Мінска апублікавала відэа з момантам гэтага ДТЗ.

— Я чуў момант аварыі. Была толькі адна машына — Mercedes. Пасля ДТЗ прыехала некалькі брыгад хуткай дапамогі, дзве машыны МНС, ДАІ. Кіроўцу аказвалі дапамогу, наклалі бандаж на шыю, — расказаў чытач.

У ДАІ Мінска паведамілі, што аварыя адбылася каля 21:30 недалёка ад парку Чалюскінцаў.

— Паводле папярэдняй інфармацыі, 39-гадовы кіроўца аўтамабіля Mercedes не справіўся з кіраваннем, выехаў за межы праезнай часткі і здзейсніў наезд на апору асвятлення, — паведамілі ў Дзяржаўтаінспекцыі. — Папярэдне, аўтамабіліст знаходзіўся ў стане алкагольнага ап'янення.