Цэны на нафту рэзка ўпалі пасля заявы Трампа

• 23.03.2026, 17:00

Перамовы ЗША і Ірана і паўза ў ударах абрынулі рынак.

Цэны на нафту ўпалі больш чым на 13% у панядзелак, 23 сакавіка, пасля таго як прэзідэнт ЗША Дональд Трамп заявіў, што загадае вайскоўцам адкласці любыя ўдары па іранскіх электрастанцыях і энергетычнай інфраструктуры Ірана.

Пра гэта піша Reuters.

Ф'ючэрсы на нафту маркі Brent знізіліся прыкладна на 17 долараў, або на 15%, да сесійнага мінімуму ў 96 долараў за барэль, у той час як амерыканская нафта West Texas Intermediate ўпала на 13 долараў, або прыкладна на 13,5%, да сесійнага мінімуму ў 85,28 долара.

23 сакавіка прэзідэнт ЗША Дональд Трамп даручыў Пентагону адкласці ўдары па іранскіх электрастанцыях і энергетычнай інфраструктуры на пяць дзён.

У сваёй сацсетцы Truth Social ён напісаў, што ЗША і Іран на працягу апошніх двух дзён правялі «вельмі добрыя і прадуктыўныя перамовы па поўным і канчатковым урэгуляванні ваенных дзеянняў на Блізкім Усходзе».

Трамп адзначыў, што перамовы працягнуцца на гэтым тыдні.