Зяленскі: Украіна можа атрымаць газ з Афрыкі

• 23.03.2026, 18:40

Імпарт газу могуць арганізаваць у абмен на ўкраінскі досвед і тэхналогіі.

Украіна можа пачаць імпарт газу з Мазамбіка. Лідары дзвюх краін абмеркавалі такое супрацоўніцтва.

Пра гэта паведамляе «РБК-Украіна» са спасылкай на прэзідэнта Украіны Уладзіміра Зяленскага ў Telegram.

Па словах кіраўніка ўкраінскай дзяржавы, ён правёў перамовы з прэзідэнтам Мазамбіка Даніэлем Шапу.

«Украіна зацікаўленая ў дадатковых пастаўках энергарэсурсаў. Мазамбік зацікаўлены ў нашым украінскім досведзе і тэхналогіях, каб узмацніць унутраную бяспеку і абараніць людзей ад тэрару», — расказаў Зяленскі.

Асобна лідары абмеркавалі магчымае супрацоўніцтва ў сферы лічбавізацыі і харчовай бяспекі.

Па словах прэзідэнта Украіны, каманды дзвюх краін будуць працаваць разам.