Ynet: ЗША вызначылі дату завяршэння вайны з Іранам

• 23.03.2026, 20:14

У бліжэйшы час чакаюцца перамовы паміж Вашынгтонам і Тэгеранам.

Амерыканскія ўлады вызначылі 9 красавіка датай завяршэння вайны супраць Ірана. У бліжэйшы час чакаюцца перамовы паміж Вашынгтонам і Тэгеранам.

Пра гэта паведамляе Ynet.

Інфармацыю пра дату завяршэння вайны выданню раскрыў неназваны ізраільскі суразмоўца. Па яго словах, «завяршэнне вайны 9 красавіка дазволіць Трампу прыбыць у Ізраіль у Дзень незалежнасці, каб атрымаць Прэмію Ізраіля».

Прэмія Ізраіля — гэта самая прэстыжная прэмія, якая ўручаецца ў Дзень незалежнасці краіны.

Суразмоўца Ynet таксама дадаў, што перамовы ЗША і Ірана адбудуцца ўжо на гэтым тыдні ў Пакістане.

«2Амерыканцы не інфармавалі Ізраіль пра перамовы з Калібафам (спікерам парламента Ірана Мухамедам Калібафам — рэд.)», — удакладніў ён.