Беларускі матагоншчык сарваўся са скалы на Чорным моры і цудам выжыў

• 23.03.2026, 20:35

Член нацыянальнай зборнай распавёў, як гэта адбылося.

Беларускі матагоншчык, член нацыянальнай зборнай Арцём Кунцэвіч, сарваўся са скалы падчас трэніроўкі ў расійскім Геленджыку. Пра гэта спартсмен распавёў у сваім інстаграм-канале, заўважыла «Зеркало».

— Учора я мусіў вось тут загінуць. Пяцьдзесят метраў да сасон, там яшчэ 50 і там яшчэ 50. З самага верху я сюды саслізнуў. Матацыкл ляцеў за мной. Не ведаю, якім цудам я выжыў, бо хуткасць падзення была проста неверагодная. Я не магу перадаць гэты вугал, які тут ёсць. Ну, увогуле, не вертыкальная сцяна, але вельмі, вельмі высокая. Зламаў руку, здзёр усе кісьці, усю дупу, блін, усе бакі, — эмацыйна распавёў Арцём Кунцэвіч.

Беларус дадаў, што «гэта было вельмі жорстка», і ён цяпер мае намер святкаваць 14 сакавіка свой другі дзень нараджэння.

У іншым роліку адзін са спадарожнікаў Кунцэвіча распавёў, што ўсё адбылося на трэці дзень трэніровак у Геленджыку. У нейкі момант каманда матагоншчыкаў вырашыла выпрабаваць адзін маршрут, дзе ёсць скальныя пліты пад вельмі крутым кутом.

«У Арцёма паспяхова атрымлівалася пераадольваць пад’ём за пад’ёмам. Там практычна прамы кут, зверху стаяць страшна, не тое каб ехаць. І вось ён выпадкова трапляе на фатальны пад’ём без права на памылку», — распавёў спартсмен.

Пасля гэтага Кунцэвіч сарваўся і паляцеў уніз з вялікай вышыні, атрымаўшы траўмы. Аднак яму ўжо «зашылі рукі, зашылі дупу, зашылі ногі».

Сам беларус плануе аднавіць свой матацыкл, які быў сур’ёзна пашкоджаны пасля падзення.