ЗСУ атрымаюць «Джэдая»

• 23.03.2026, 22:16

Новы дрон будзе паляваць на «Шахеды».

Мінабароны дапусціла да выкарыстання новы ўкраінскі дрон-перахопнік JEDI Shahed Hunter, які здольны аўтаматычна знаходзіць і знішчаць варожыя беспілотнікі.

Пра гэта паведамляе Міністэрства абароны Украіны.

Апарат атрымлівае даныя з радыёлакацыйных станцый у аўтаматычным рэжыме і самастойна наводзіцца на мэту.

Дрон здольны знішчаць ударныя беспілотнікі тыпу Shahed, «Герань» і «Гербера», а таксама перахопліваць разведвальныя апараты, у тым ліку Zala і Supercam.

Яго хуткасць перавышае 350 км/гадз, а вышыня палёту дасягае 6 км. Дрон нясе баявую частку масай каля 500 грамаў.

JEDI мае вертыкальны ўзлёт, важыць каля 4 кг і абсталяваны дзённай і цеплавізійнай камерамі, што дазваляе працаваць кругласутачна.

Адзін апарат здольны прыкрываць участак неба радыусам да 40 км.

«Нагадаем, абарона неба з’яўляецца прыярытэтам Плана вайны Украіны. Мэта — ідэнтыфікаваць 100% паветраных пагроз у рэальным часе і перахопліваць не менш за 95% ракет і дронаў», — адзначылі ў Мінабароны.