Беларуска замовіла стэйк з ласося па акцыі, але памер далікатэсу здзівіў

• 23.03.2026, 22:50

Фотафакт.

Беларуска Анастасія замовіла стэйк атлантычнага ласося ў сетцы «Гіппо» па акцыі, але засталася расчараваная. Пра інцыдэнт яна распавяла на сваёй старонцы ў Threads, перадае blizko.by.

Паводле слоў дзяўчыны, яна ўбачыла акцыю на стэйк з ласося ў рэкламнай улётцы (39,99 рубля замест 49,99 рубля) і вырашыла замовіць яго праз сэрвіс «Яндекс.Еда». Адкрыўшы пакет з заказам, беларуска была шакаваная — стэйк апынуўся крошачным: прыблізна 5–6 сантыметраў у дыяметры.

Анастасія звярнулася ў падтрымку «Яндекс.Еда», але аператар адказаў, што не бачыць розніцы паміж тым, што прывезлі дзяўчыне, і карткай тавару.

Публікацыя сабрала шмат каментароў. Шмат хто абвінавачваў краму ў збыце «неліквіду» пад выглядам стэйка:

— Крама праз «акцыю» прадала даверлівым дурням галавінны і хваставы неліквід, якія па 50–60 рублёў ніхто не хацеў браць;

— А Вы чакалі цэлую рыбу за 39 рублёў?

— Гэта дзіцячая порцыя, проста;

— Без лупы і не разглядзіш.

Некаторыя карыстальнікі параілі браць стэйк у краме, а не заказваць дастаўку, каб не трапіць у падобную сітуацыю.