Reuters: Індыі прапанавалі іранскую нафту па цане вышэй за Brent

• 24.03.2026, 5:59

Індыя не атрымлівала іранскую нафту з 2019 года.

Пасля таго як Вашынгтон часова зняў санкцыі з Тэгерана для змякчэння энергетычнага крызісу, трэйдары прапанавалі індыйскім нафтаперапрацоўчым заводам (НПЗ) іранскую нафту з прэміяй да цаны Brent на біржы ICE. Пра гэта паведаміла Reuters са спасылкай на тры крыніцы ў нафтавай галіне.

Паводле звестак крыніц, іранская нафта прапаноўвалася з прэміяй у $6–8 за барэль да цаны Brent, пры гэтым аплата павінна была паступіць на працягу сямі дзён пасля прыбыцця грузу. Індыйскія нафтаперапрацоўчыя кампаніі, у сваю чаргу, хочуць пераканацца ў надзейнасці плацежнага механізму перад заключэннем пагаднення з Нацыянальнай іранскай нафтавай кампаніяй (NIOC), паколькі Іран адключаны ад сістэмы SWIFT, дадалі крыніцы агенцтва.

Па словах крыніц агенцтва, у індыйскіх НПЗ ёсць месяц, каб максімальна нарастіць закупы нафты і звадкаванага нафтавага газу ў Ірана. Паводле крыніц, трэйдары і NIOC дамагаюцца аплаты ў доларах, пры гэтым некаторыя бакі гатовыя прымаць плацяжы нават у індыйскіх рупіях.

Індыя, трэці па велічыні ў свеце імпарцёр і спажывец нафты, не атрымлівала грузаў з Тэгерана з мая 2019 года пасля таго, як на яе аказалі ціск ЗША, патрабуючы спыніць закупы іранскай нафты, піша Reuters. Сёлета Індыя моцна пацярпела ад збояў у пастаўках энерганосьбітаў праз Армузскі праліў, выкліканых вайной супраць Ірана.