Расіянам усё відавочней, што іх параза цалкам рэальная

• Ігар Луцэнка
• 24.03.2026, 14:51

Блогеры ныюць.

Расіянам усё відавочней, што іх параза цалкам рэальная.

Іх наступ буксуе. Захопленыя квадратныя кіламетры ўжо не радуюць дуракоў. Бо ўжо няма захопленых кіламетраў. А страты не змяншаюцца, а растуць.

Блогеры ныюць.

Вось, напрыклад, возьмем нядаўнія тэзісы Аляксандра Хадакоўскага — калісьці ўкраінца, а затым шматгадовага палявога камандзіра войскаў РФ.

Ён піша, што — па-першае, вялізная, узброеная да зубоў і багатая Расія ніяк не можа атрымаць перавагу ў баі над намі. «Ні наяўнасць гіпергуку, ні здольнасць самастойна вырабляць усю наменклатуру класічнай ваеннай тэхнікі, ні адсутнасць залежнасці ад паставак ПММ, ні фінансавая незалежнасць, ні большы мабілізацыйны рэсурс (! — клічнік ад мяне) крытычна не ўплываюць сёння на становішча спраў на фронце».

Па-другое. Хадакоўскі выказвае сумнеў, што ў вайне на знясіленне Украіна знясілее першай. Намякае, што можа так стацца, што першай якраз можа надорвацца Маскоўшчына, з-за неназваных «унутраных працэсаў».

Па-трэцяе. Хадакоўскі кажа, што пераможа той, хто выбудуе больш хуткі тэмп адаптацыі тэхналогій да патрэбаў сучаснай вайны. І зноў жа з намёкам, што ў РФ гэты тэмп недастатковы.

І, напрыканцы, заклікае знішчыць спадарожнікі Старлінка.

З радасцю згаджаюся з ацэнкамі гэтага здрадніка.

Сілы РФ вычэрпваюцца. Перавагі, калісьці бясспрэчныя, таюць у новай тэхналагічнай рэчаіснасці.

Цяпер не так ужо і важна, колькі ў Масквы бранятэхнікі або жывой сілы. Дроны ўбачаць і знішчаць усё гэта. FPV і бамбардзіроўшчыкаў у нас хопіць.

Аператары сядзяць не толькі па пасадках, але і па падвалах будынкаў у тыловых гарадах, і адтуль дыстанцыйна бамбяць ворага. Старлінк працуе!

Мабілізуюць яшчэ мільён — знішчым і мільён.

Нам галоўнае — пратрымацца, уперціся нагамі ў зямлю, дачакацца, пакуль хваля болю, бяссілля і зневеры распаўсюдзіцца па жылах вялікай імперыі.

Ігар Луцэнка, «Фэйсбук»