Сталі вядомыя падрабязнасці сакрэтнай размовы Трампа і саудаўскага прынца

• 24.03.2026, 17:22

Мухамад бін Салман казаў пра «гістарычную магчымасць».

Спадчынны прынц Саудаўскай Аравіі Мухамад бін Салман падчас нядаўніх кантактаў з прэзідэнтам ЗША Дональдам Трампам заклікаў Вашынгтон працягнуць ваенныя дзеянні супраць Ірана. Пра гэта паведамляе The New York Times са спасылкай на крыніцы, (пераклад — сайт Charter97.org).

Паводле звестак выдання, цягам апошняга тыдня саудаўскі лідар неаднаразова абмяркоўваў з Трампам сітуацыю на Блізкім Усходзе. Ён заявіў, што бягучая амерыканска-ізраільская кампанія з’яўляецца «гістарычнай магчымасцю» для змянення балансу сіл у рэгіёне.

Як сцвярджаюць крыніцы, Мухамад бін Салман настойваў на тым, што ЗША варта дамагацца ўстаранення цяперашняга кіраўніцтва Ірана. Паводле яго меркавання, менавіта дзеючы ўрад у Тэгеране ўяўляе доўгатэрміновую пагрозу для краін Персідскага заліва.