У доме пад Гроднам прагрымеў выбух

• 24.03.2026, 17:28

На месца надзвычайнага здарэння выехаў намеснік міністра МНС.

У МНС Беларусі паведамілі, што накіравалі падраздзяленні выратавальнікаў у чатырохкватэрны двухпавярховы жылы дом у вёсцы Казіміроўка Гродзенскага раёна.

Па даручэнні міністра па надзвычайных сітуацыях на месца інцыдэнту выехаў намеснік міністра Анатолий Долголевец.

На апублікаваных кадрах відаць, што дом амаль цалкам разбураны, відаць абваленыя перакрыцці і асобныя часткі сцен.

Паводле папярэдняй інфармацыі, адбылася ўспышка газапаветранай сумесі з наступным гарэннем у дзвюх кватэрах на першым і другім паверхах.

Падзея прывяла да абрушэння пліт перакрыцця і сцен у кватэры на другім паверсе з наступным узгараннем.

У выніку інцыдэнту пацярпеў мужчына, якога шпіталізавалі.