Расійскія дроны ўдарылі па цэнтры Львова
- 24.03.2026, 18:20
Гарыць жылы дом, пашкоджана спадчына ЮНЕСКА, ёсць цяжка параненыя.
У выніку атакі расійскіх беспілотнікаў у цэнтры Львова пашкоджаныя два жылыя дамы. Пра гэта паведаміў мэр горада Андрэй Садавы.
«У выніку варожай атакі пашкоджаны жылы дом у цэнтры Львова. Усе службы выехалі на месца», – адзначыў ён.
У Львоўскай ОВА таксама заявілі пра «прылёт» у цэнтральнай частцы Львова.
«Паводле папярэдняй інфармацыі, пацярпела спадчына ЮНЕСКА. Пагроза застаецца высокай. Заставайцеся ў сховішчах», – гаворыцца ў паведамленні.
Паводле дадзеных ОВА, прынамсі два чалавекі цяжка параненыя.
Пазней Садавы паведаміў пра яшчэ адно трапленне варожага дрона ў жылы дом у Сыхаве — на праспекце Чырвонай Каліны.