РФ нанесла ўдар па цэнтры Івана-Франкоўска

• 24.03.2026, 20:16

Пашкоджаныя два радзільныя дамы, ёсць загінулыя.

Расійскія акупанты сёння, 24 сакавіка, атакавалі дронамі цэнтр Івана-Франкоўска. З-за ўдару былі пашкоджаныя два радзільныя дамы.

Пра гэта паведамляе РБК-Украіна са спасылкай на кіраўніцу Івана-Франкоўскай АВА Святлану Анішчук у Telegram і мэра Івана-Франкоўска Руслана Марцінківа у Telegram.

Паводле слоў Анішчук, у выніку ўдару расіян па цэнтры горада загінулі два чалавекі, яшчэ чацвёра — пацярпелі. Сярод пацярпелых — 6-гадовае дзіця. Усім параненым аказваюць неабходную дапамогу.

Са свайго боку мэр Івана-Франкоўска Руслан Марцінкіў распавёў, што сярод загінулых — нацгвардзеец, чыя жонка нарадзіла некалькі дзён таму.

«Пашкоджаныя будынкі гарадскіх і абласных радзільняў, а таксама каля 10 жылых будынкаў», — адзначыла кіраўніца АВА.

Анішчук звярнула ўвагу, што на месцы здарэння працуюць усе адпаведныя службы.

Чыноўніца заклікала жыхароў вобласці не ігнараваць сігналы паветранай трывогі і знаходзіцца ў сховішчах або іншых бяспечных месцах да адбою.