Times: Лондан узначаліць дэблакаду Армузскага праліва

• 24.03.2026, 21:27

План па адкрыцці праліва для суднаходства распрацоўваецца Вялікабрытаніяй і Францыяй.

Вялікабрытанія рыхтуецца ўзначаліць міжнародную кааліцыю па аднаўленні руху ў Армузскім праліве і суправаджэнні суднаў, што ідуць праз гэты калідор, паведамляе The Times.

План па адкрыцці праліва для суднаходства распрацоўваецца Вялікабрытаніяй і Францыяй, ён запатрабуе падтрымкі ЗША.

19 сакавіка Independent паведамляла, што брытанскіх афіцэраў накіравалі ў ЗША для сумеснай выпрацоўкі варыянтаў па размініраванні і забеспячэнні бяспечнага праходу танкераў праз праліў.