Візіт Ціханоўскай у Кіеў пераносіцца на нявызначаны тэрмін

• 24.03.2026, 23:38

Яе паездка ў сталіцу Украіны планавалася на 25 сакавіка.

Запланаваны візіт Святланы Ціханоўскай ва Украіну адкладзены на нявызначаны тэрмін, пра гэта 24 сакавіка выданню «Вот Так» паведамілі яе прэс-сакратар і крыніцы ў дыпламатычных колах Украіны. Новыя даты пакуль не вызначаныя, піша «Белсат».

Паводле даных СМІ, паездка Ціханоўскай у Кіеў планавалася на 25 сакавіка — Дзень Волі. У межах візіту Ціханоўская павінна была сустрэцца з прэзідэнтам Украіны Уладзімірам Зяленскім.

Паводле інфармацыі ўкраінскіх дыпламатаў, прычынай сталі, нібыта, тэхнічныя абставіны, у тым ліку несупадзенне раскладаў Ціханоўскай і Зяленскага. Ствярджаецца, што рашэнне пра перанос магло быць прынята ў апошні момант.