ЮНЕСКА агледзіць месца ўдару ў Львове

• 25.03.2026, 6:31

Украіна патрабуе моцнай рэакцыі.

Міністр замежных спраў Украіны Андрэй Сыбіга заявіў, што эксперты ЮНЕСКА наведаюць Львоў для фіксацыі разбурэнняў пасля расійскага ўдару па аб’екце культурнай спадчыны.

Пра гэта міністр замежных спраў Украіны Андрэй Сыбіга паведаміў у эфіры тэлеканала «Мы — Украіна», інфармуе МЗС Украіны.

Паводле яго слоў, Міністэрства замежных спраў ужо дамовілася са спецыялістамі арганізацыі аб адпаведным візіце.

«Расія не проста нанесла ўдар па будынках у цэнтры Львова. Гэта ўдар па сусветнай спадчыне ЮНЕСКА. Удар непасрэдна па ЮНЕСКА як арганізацыі. Удар па ўсіх у свеце, каму не абыякавая культурная спадчына. Патрабуем моцных рэакцый», — падкрэсліў Сыбіга.

Кіраўнік МЗС таксама паведаміў, што Украіна звярнулася ў ЮНЕСКА з патрабаваннем ініцыяваць санкцыі супраць Расіі ў галіне культуры.

«Расія — дзяржава-тэрарыст, а расіяне — варвары. Менавіта так еўрапейскія калегі ацэньваюць тое, што адбылося», — падсумаваў дыпламат.