Лаўроў будзе ўдзячна кланяцца

• Тэлеграм-канал «СерпомПо»
• 25.03.2026, 10:37

У Расіі не хапае двух помнікаў.

Міністр замежных спраў РФ Лаўроў зрабіў заяву: «Нядаўна ў Пхеньяне адкрылі помнік героям, і мы адкажам такім жа жэстам на тэрыторыі Расійскай Федэрацыі».

Што ж, цяпер можна супакоіцца. Было, трэба сказаць, пэўнае хваляванне ў расійскім народзе адносна помніка загінулым і параненым у Курскай вобласці вайскоўцам з КНДР, накіраваных у Расію Кімам. Але Лаўроў выступіў, і цяпер можна з палёгкай уздыхнуць.

І ўсё ж, малавата ў краіне з’яўляецца помнікаў. Івану Жахліваму ставяць, Сталіну ставяць, вайскоўцам ставяць, Дзяржынскаму (у Нарышкіна ў СЗР) узвялі. І шмат-шмат усяго. Багацце, вядома.

Але няма галоўнага помніка — вялікага, пазалочанага. Як у Кіма ў Паўночнай Карэі. Трэба б «адказны жэст». Так-так, вы ўжо зразумелі, куды мы хілімся, і вы не памыліліся — патрэбны помнік Пуціну вышынёй метраў 600, каб быў вышэйшы за Астанкінскую тэлевежу, стаяў з галавой, што заблыталася ў аблоках, глядзеў зашклёным позіркам кудысьці ўдалеч, нібыта намячаючы планы.

Каб «Пуціну» не было сумна стаяць у адзіноце, можна на тым жа пастаменце збудаваць і Мядзведзева (разумеецца, меншага памеру і пакрытага срэбрам — паводле чыну), які ў захапленні раскінуў рукі. Стаяць жа ў Паўночнай Карэі побач Кім Ір Сэн і Кім Чэн Ір. І расіянам таксама трэба. Лаўроў будзе туды штогод 24 лютага ўвесь МЗС выводзіць — класці кветкі і ўдзячна кланяцца.

Тэлеграм-канал «СерпомПо»