Коул: Лукашэнка — адзіны, хто застаўся за сталом дрэнных хлопцаў

• 25.03.2026, 15:21

Гэта пасланне дыктатару ад прэзідэнта ЗША.

Спецыяльны пасланнік прэзідэнта ЗША Дональда Трампа па Беларусі Джон Коул за тыдзень да свайго апошняга візіту ў Мінск выступіў у Інстытуце Маккэйна.

Ён лічыць, што Лукашэнка вельмі спалохаўся дзеянняў ЗША ў Венесуэле і Іране.

«Паўтара тыдня таму я сказаў яму: "Слухай, ты цяпер адзіны, хто застаўся за сталом дрэнных хлопцаў, таму табе лепш быць асцярожным. І я сапраўды думаю, што тое, што мы зрабілі ў Венесуэле і тое, што мы робім у Іране, жудасна яго напалохала", — лічыць Коул.

Нагадаем, 19 сакавіка Лукашэнка вызваліў 250 зняволеных у абмен на далейшае змякчэнне амерыканскіх санкцый. 235 чалавек засталіся ў Беларусі, астатнія былі накіраваныя ў Літву.