Ленінградская вобласць РФ упершыню з часоў Другой сусветнай вайны апынулася пад бамбаваннямі ФАБамі

• 25.03.2026, 16:00

Пападанні прыйшліся па рэзервуарным парку і нафтаналівальным тэрмінале ў порце Усць-Луга.

У ноч на 24 сакавіка СБУ разам з Сіламі беспілотных сістэм Украіны, ССО, ГУР і памежнікамі атакавала Ленінградскую вобласць Расіі. Для гэтага выкарыстоўваліся дыстанцыйна кіраваныя лёгкаматорныя самалёты A-22 з авіябомбамі ФАБ-250.

Пра гэта паведамляецца ў Telegram-пабліку «Николаевский Ванек». Апошні раз згаданы расійскі рэгіён атакоўвалі бомбамі яшчэ падчас Другой сусветнай вайны.

«Сёння раніцай Ленінградскую вобласць бамбілі бомбамі. Прымечальна, што апошні раз Ленінградскую вобласць бамбілі бомбамі яшчэ ў часы Другой сусветнай вайны, і вось цяпер», — гаворыцца ў паведамленні.

Што вядома пра атаку

Паводле папярэдніх звестак, пападанні прыйшліся па рэзервуарным парку і станцыях для зліву і наліву нафты і нафтапрадуктаў у порце Усць-Луга. На тэрыторыі прадпрыемства зафіксаваны пажар, а «маштабы нанесенай шкоды ўдакладняюцца».

У Генштабе ЗСУ падкрэслілі, што атакаваны аб'ект з'яўляецца важнай складовай расійскай энергетычнай інфраструктуры і выкарыстоўваецца для экспарту і транспартавання нафтапрадуктаў, даходы ад якіх накіроўваюцца на фінансаванне ўзброенай агрэсіі супраць Украіны.

Нагадаем, у порце Усць-Луга ў Ленінградскай вобласці РФ уначы 25 сакавіка зноў узнік пажар. Порт успыхнуў пасля атакі ўкраінскіх БПЛА і шэрагу выбухаў у рэгіёне. Паспяховую атаку ўкраінскіх дронаў на порт Усць-Луга пацвердзілі мясцовыя ўлады.