Над будынкамі Прагі ўзнялі бела-чырвона-белыя сцягі

• 25.03.2026, 16:43

Чэхі павіншавалі беларусаў з Днём Волі.

Бела-чырвона-белыя сцягі былі сёння ўзнятыя над мэрыяй Прагі, піша praha7.cz.

Таксама нацыянальны сімвал беларусаў вывесілі на некаторых будынках сталіцы Чэхіі.

Выданне таксама нагадвае, што многія беларусы знайшлі прытулак у міжваеннай Чэхаславакіі пасля савецкай акупацыі нашай краіны. У прыватнасці, у Празе доўгі час жыла беларуская паэтка Ларыса Геніюш.