З Мінска могуць запусціць прамыя авіярэйсы на Мальдывы

• 25.03.2026, 19:44

Палёты па гэтым маршруце могуць пачацца з жніўня 2026 года.

Прадстаўнікі турфірмаў загаварылі пра верагоднасць запуску авіязносін паміж Мінскам і Мале.

Такую інфармацыю атрымаў і агучыў Рэспубліканскі саюз турыстычных арганізацый (РСТО).

Аднак пакуль няма асаблівай канкрэтнасці.

«Магчыма, Мальдывы стануць наступным далёкамагістральным кірункам Belavia», — праінфармавалі ў РСТО.

Палёты па гэтым маршруце могуць пачацца з жніўня 2026 года. Таксама мяркуецца, што ў выпадку запуску праграма будзе доўжыцца да кастрычніка—лістапада.

Беларускія турысты пакуль лятаюць на Мальдывы з перасадкамі — праз Маскву або Стамбул (да нядаўняга часу — праз Дубай).

Сярод дзеючых далёкамагістральных кірункаў нацыянальнага авіяперавозчыка — Кітай, Шры-Ланка, В'етнам, Тайланд.