У Беларусі пачалі разводзіць незвычайных ракаў

• 25.03.2026, 21:55

Каму яны патрэбныя?

На першай у Беларусі крэветкавай ферме пачалі разводзіць аўстралійскіх ракаў, паведамляе Office Life.

Ідзе гаворка пра экаферму ў Ляхавіцкім раёне. Яе ўладальнік Уладзімір Гатоўчыц прывёз з Расіі больш за 1500 малявак і яшчэ 15 дарослых асобін.

Для новага напрамку на ферме ўжо запусцілі асобныя лініі. Яны працуюць паралельна з крэветкавымі. Пры гэтым умовы ўтрымання ў многім падобныя.

Па словах прадпрымальніка, ідэя не толькі ў пашырэнні асартыменту.

У перспектыве на ферме хочуць развіваць і іншыя напрамкі, уключаючы развядзенне рыбы.

Таксама плануюць наладзіць уласную вытворчасць кармоў, каб зрабіць гаспадарку максімальна самастойнай.

Нагадаем, што крэветкавая ферма запрацавала ў пачатку 2025 года ў вёсцы Альхоўцы, яе размясцілі ў будынку былой школы. У запуск і развіццё прадпрымальнік уклаў больш за 1 000 000.

Пазней тут пачалі атрымліваць уласную ікру крэветак, а з восені — праводзіць экскурсіі. Цяпер турысты прыязджаюць туды амаль кожныя выхадныя.

Пры выхадзе на поўную магутнасць фермер разлічвае вырабляць да 300 кг жывых крэветак у месяц.

Аўстралійскія ракі прыкметна адрозніваюцца ад звыклых рачных.

Па-першае, у іх больш мяса — прыблізна на 50%. Пры гэтым яно лічыцца больш далікатным і сачным.

Па-другое, ёсць і карысць. Мяса такіх ракаў багатае бялком, змяшчае мала калорый (каля 80 ккал на 100 г) і падыходзіць тым, хто сочыць за харчаваннем.

Таксама ў ім ёсць амега-3 тлустыя кіслоты, якія важныя для сэрца і мозгу, а яшчэ цынк, селен і вітамін B12.