СМІ: Пентагон пацвердзіў разгортванне войскаў на Блізкім Усходзе

• 25.03.2026, 23:54

Рыхтуецца сухапутная аперацыя?

Пентагон пацвердзіў разгортванне падраздзяленняў амерыканскіх сухапутных войскаў на Блізкім Усходзе.

Пра гэта паведаміў прэс-сакратар у заяве для BBC.

Прадстаўнік Пентагона паведаміў, што некаторыя падраздзяленні штаба 82-й паветрана-дэсантнай дывізіі, а таксама асобныя «падраздзяленні забеспячэння дывізіі» і 1-я брыгададная баявая група будуць накіраваныя на Блізкі Усход.

З меркаванняў бяспекі ён адмовіўся даць дадатковыя падрабязнасці.

Як адзначаецца, 82-я паветрана-дэсантная дывізія, што дыслакуецца ў Паўночнай Караліне, лічыцца адным з лепшых звычайных баявых падраздзяленняў арміі, а некаторыя яе падраздзяленні заўсёды гатовыя да разгортвання ў любой кропцы свету на працягу 18 гадзін.

Гэтыя войскі навучаныя высаджвацца з парашутамі або з верталётаў у мэтавую зону і захопліваць яе.

1-я баявая брыгада, якая дыслакуецца ў Нью-Ёрку, уваходзіць у склад 10-й горнай дывізіі і поўнасцю аснашчана для працяглых баявых дзеянняў.

Раней СМІ паведамлялі, што Злучаныя Штаты рыхтуюцца накіраваць на Блізкі Усход яшчэ каля тысячы дэсантнікаў 82-й паветрана-дэсантнай дывізіі.