Пуцін: У Расію часам прапускаюць «тупыя і непатрэбныя» фільмы

• 26.03.2026, 5:09

Дыктатар РФ даручыў міністру культуры прыняць меры ў дачыненні да замежных стужак у пракаце.

У Расію часам прапускаюць «зусім тупыя і непатрэбныя» рэчы ў кіно з-за адсутнасці сістэмы квотавання замежнага кіно, заявіў кіраўнік Расіі Уладзімір Пуцін. Ён даручыў міністру культуры Расіі Вользе Любімавай прыняць меры ў дачыненні да замежных стужак у пракаце.

На пасяджэнні Савета па культуры Пуцін заявіў, што сістэма квот на замежныя фільмы дзейнічае ў некаторых краінах, у тым ліку ў Францыі і Кітаі. «Ну, а мы што, рот разяўляем? І ідэалагічна прапускаем нейкія рэчы зусім тупыя, нам не патрэбныя. Ну і фінансава не падтрымліваем свайго вытворцу», — сказаў прэзідэнт (цытата паводле «РІА Навіны»).

Пытанне ўвядзення сістэмы квот на пракат замежных фільмаў абмяркоўваецца з верасня 2025 года. Тады міністр культуры паабяцала прыняць меры, каб захаваць долю расійскага кіно ў пракаце.