Дроны атакавалі танкер з расійскай нафтай у Чорным моры

• 26.03.2026, 11:32

Машыннае аддзяленне аказалася затопленым.

У Чорным моры, у 15 марскіх мілях ад Басфорскага праліва, уначы 26 сакавіка быў атакаваны турэцкі танкер, які перавозіў нафту з порта Наварасійска, паведамляе CNN Turk. Паводле даных тэлеканала, судна Altura, якое належыць кампаніі Pergamon Denizcilik, падавала сігнал бедства, паведаміўшы пра напад з выкарыстаннем БПЛА і марскіх беспілотнікаў. Папярэдне вядома, што ў выніку атакі пашкоджаныя верхняя палуба і машыннае аддзяленне, экіпаж паведаміў пра прабоіну на судне. Турэцкі партал HaberDenizde ўдакладняе, што адзін з выбухаў адбыўся на мастку танкера, а машыннае аддзяленне аказалася затопленым.

Паводле звестак сістэмы адсочвання судоў, танкер класу Suezmax перавозіў 1 млн барэляў нафты Urals, перадае Bloomberg. Судна знаходзіцца пад санкцыямі ЕС, Вялікабрытаніі, Украіны і Швейцарыі. Гэта ўжо як мінімум пяты танкер з расійскай нафтай, які з пачатку года падвергнуўся атаке дронаў у Чорным моры. Раней, 13 студзеня, недалёка ад тэрмінала КТК, былі атакаваныя тры судны грэцкіх кампаній — Delta Supreme, Delta Harmony і Matilda (Thenamaris). За тыдзень да гэтага ля берагоў Турцыі марскія беспілотнікі пашкодзілі танкер Elbus, які ішоў пад сцягам Палау ў порт Наварасійска.

Пасля падачы сігналу бедства на дапамогу Altura прыбылі судна Erdek, што знаходзілася паблізу, а таксама тры ратавальныя катэры берагавой аховы.