Хутка пачне дзейнічаць новае валютнае абмежаванне

• 26.03.2026, 12:55

Яно закране беларусаў.

У Беларусі ў красавіку з’явяцца новыя абмежаванні для насельніцтва. Сярод іншага ўлады забароняць пазыкі паміж фізічнымі асобамі ў замежнай валюце. Выключэнне — блізкія сваякі.

Таксама ўлады забаранілі выдаваць пазыкі насельніцтву пад заклад адзінага жылога дома або кватэры. Яшчэ адно наваўвядзенне — увядуць абмежаванні па штрафных санкцыях і працэнтах за карыстанне грашыма ў доўг (гаворка пра дагаворы пазыкі паміж фізічнымі асобамі).

Чыноўнікі таксама забаранілі індывідуальным прадпрымальнікам і юрыдычным асобам, якія не займаюцца мікрафінансавай дзейнасцю, выдаваць крэдыты фізічным асобам. Выключэнне мяркуюць зрабіць для пазык, якія наймальнікі выдаюць сваім работнікам.

«Абарона маёмасных інтарэсаў і фінансавых правоў грамадзян — асноўная задача змяненняў заканадаўства ў сферы прадастаўлення пазык фізічным асобам», — раней тлумачылі ў Нацбанку.

Новаўвядзенні пачнуць дзейнічаць з 23 красавіка.