Калумбійцы сустрэлі беларуса ў чат-рулетцы і праспявалі яму «Ехаў Ясь на кані»

• 26.03.2026, 21:06

Відэа пакарыла Сеціва.

Калумбійскі гурт Los iankovers апублікаваў відэа з чат-рулеткі — сацсеткі, дзе можна пагутарыць з выпадковымі людзьмі праз вэб-камеру. Фронтмэн гурта Янко Богдан Пеньяфорт Лобунец натыкнуўся на беларуса і праспяваў яму песню «Ехаў Ясь на кані».

Відэа стала вірусным у Сеціве і сабрала дзясяткі тысяч праглядаў.

Сам Янко Богдан Пеньяфорт Лобунец мае глыбокія ўкраінскія карані. Яго маці — украінка, а бацька — калумбіец.