«Вароты Мінска» ледзь не змыла каціным напаўняльнікам

• 26.03.2026, 14:08

Камунікацыі давялося адключыць.

Мінулай ноччу жыхары дома № 2 на вуліцы Кірава ў Мінску выклікалі аварыйную службу. Адзін з дамоў «Варотаў Мінска» ледзь не затапіла каналізацыя.

Па стояку труб хтосьці змыў унітазам каціны напаўняльнік. Патрапіўшы ў каналізацыю, матэрыял ператварыўся ў шчыльную масу і наглуха забіў трубы. Гаворка пра бентанітавы напаўняльнік, які пры кантакце з вадой цвярдзее амаль як цэмент.

Каб не затапіла кватэры, ноччу давялося адключаць камунікацыі і разбіраць нішу з трубамі. На ліквідацыю закаркавання камунальнікам спатрэбілася некалькі гадзін.