Трамп пагражае НАТА

• 26.03.2026, 15:11

Прэзідэнт ЗША пакрыўдзіўся на саюзнікаў з-за Ірану.

Прэзідэнт ЗША Дональд Трамп зноў рэзка раскрытыкаваў сваіх саюзнікаў і заявіў, што краіны-члены НАТА нічога не зрабілі, каб дапамагчы ЗША ў пытанні з Тэгеранам.

Пра гэта ён напісаў у сваёй сацсетцы Truth Social у чацвер, 26 сакавіка.

«Краіны НАТА абсалютна нічога не зрабілі, каб дапамагчы ў справе з вар’яцкай дзяржавай — Іранам, які цяпер ваенным чынам разгромлены», — гаворыцца ў публікацыі Трампа.

Ён дадаў: «ЗША нічога не трэба ад НАТА, але «ніколі не забывайце» пра гэты вельмі важны момант».