Украінцы зраўнялі з зямлёй камандны пункт расіян пад Херсонам

• 26.03.2026, 16:13

Ювелірная праца украінскай авіяцыі.

На Херсонскім напрамку зафіксаваны выніковы ўдар па камандным пункце акупацыйных войскаў. Дзякуючы ювелірнай працы украінскай авіяцыі і выкарыстанню заходняй высокадакладнай зброі камандны пункт праціўніка быў поўнасцю знішчаны.

Для паражэння мэты была выкарыстана французская кіраваная авіябомба AASM Hammer. На кадрах аб'ектыўнага кантролю відаць, як боепрыпас дакладна трапляе ў будынак, дзе знаходзіўся штаб праціўніка. Пасля траплення адбыўся магутны выбух, які не пакінуў шанцаў на выжыванне асабоваму складу і тэхніцы сувязі захопнікаў.