Пасажыр мінскага метро папрасіў прадаць яму адразу тры тысячы жэтонаў па старым кошце

• 26.03.2026, 18:47

Усё з-за падаражання праезду.

Заўтра ў Мінску падаражае праезд у грамадскім транспарце.

Мінскі метрапалітэн паведамляе, што ўжо з 21 сакавіка назіраецца павышаны попыт на жэтоны.

Быў зафіксаваны адзінкавы выпадак, калі беларус звярнуўся з просьбай аб набыцці трох тысяч жэтонаў.

Прэс-служба падземкі не ўдакладняе, ці прадалі пасажыру такую колькасць малінавых круглячкоў. Але нагадвае, што ў адпаведнасці з Правіламі перавозак пасажыраў жэтон вяртанню не падлягае.