ЗША афіцыйна знялі санкцыі з «Беларуськалія» і Белінвестбанка

• 26.03.2026, 18:54

Таксама санкцыі знятыя з украінскай кампаніі, якая гандлюе беларускім каліем.

Міністэрства фінансаў ЗША абвясціла аб выключэнні са свайго санкцыйнага спісу «Беларуськалія» і «Беларускай калійнай кампаніі». Таксама санкцыі знятыя з украінскай кампаніі «Агророзквіт», якая займалася гандлем беларускім каліем.

Таксама ЗША выдалі новую ліцэнзію для правядзення асобных фінансавых аперацый з Белінвестбанкам і іншымі арганізацыямі і адмянілі дырэктыву, якая раней абмяжоўвала працу Міністэрства фінансаў Беларусі і Банка развіцця, у тым ліку па аперацыях з дзяржаўнымі даўгамі і фінансавымі інструментамі. Як адзначаецца, «цяперашняя сітуацыя больш не патрабуе захавання гэтых забаронаў».

Дамоўленасць аб зняцці санкцый была дасягнутая падчас візіту спецпрадстаўніка прэзідэнта ЗША Джона Коўла у Мінск 19 сакавіка.