Трамп на год падаўжыў дзеянне часткі санкцый супраць Расіі

• 26.03.2026, 20:32

Дзейнасць РФ уяўляе пагрозу бяспецы і эканоміцы ЗША.

Прэзідэнт ЗША Дональд Трамп падаўжыў на год дзеянне санкцый у адносінах да Расіі, якія былі ўведзеныя з-за ўмяшання ў амерыканскія выбары, вынікае з паведамлення на сайце Федэральнага рэестра ЗША. Афіцыйна дакумент будзе апублікаваны 27 сакавіка.

Ідзе гаворка пра падаўжэнне дзеяння ўказа № 14024 ад 15 красавіка 2021 года. Гэтыя санкцыі былі ўведзеныя папярэднікам Трампа Джо Байдэнам і неаднаразова падаўжаліся. Першапачаткова санкцыі датычыліся расійскіх фізічных і юрыдычных асоб, якія, паводле сцвярджэнняў амерыканскіх уладаў, маглі быць датычныя да ўмяшання ў выбары ў ЗША, а таксама да фінансавых аперацый па абыходзе санкцый.

У паведамленні адзначаецца, што дзейнасць Расіі «прадстаўляе незвычайную і надзвычайную пагрозу нацыянальнай бяспецы, знешняй палітыцы і эканоміцы ЗША». «З гэтай прычыны надзвычайнае становішча, абвешчанае ўказам 14024, павінна дзейнічаць і пасля 15 красавіка 2026 года», — гаворыцца на сайце Федэральнага рэестра.