У Славакіі пачалі расследаванне супраць Фіца

• 26.03.2026, 22:38

Адна з падстаў — спыненне аварыйнага электразабеспячэння Украіны.

Паліцыя Славакіі пачала расследаванне ў дачыненні да прэм'ер-міністра краіны Роберта Фіца па падазрэнні ў дзяржаўнай здрадзе і іншых злачынствах. Адной з падстаў стала спыненне паставак аварыйнай электраэнергіі ва Украіну.

Пра гэта заявіў лідар славацкай апазіцыйнай партыі «Свабода і салідарнасць» (SaS) Браніслаў Грёлінг, перадае Aktuality.

Грёлінг расказаў, што месяц таму падаў у суд заяву супраць Фіца, абвінаваціўшы яго ў дзяржаўнай здрадзе і іншых злачынствах. Да заявы далучыліся яго аднапартыйцы і больш за 13 тысяч чалавек. Паводле яго слоў, гэта робіць яе «найбуйнейшай крымінальнай заявай у гісторыі».

Тыя, хто падпісаў заяву, таксама абвінавацілі Фіца ў злоўжыванні ўладай, бесчалавечным абыходжанні, парушэнні абавязкаў па кіраванні замежнай маёмасцю або ў тэрарыстычным акце. Сярод ключавых злачынстваў Фіца аўтары адзначаюць спыненне паставак аварыйнай электраэнергіі ва Украіну.

Паводле слоў лідэра SaS, крымінальную заяву ўжо перадалі з Генеральнай пракуратуры Славакіі ў краёвую пракуратуру, а адтуль — у паліцыю.

«Я перакананы, што Фіцо з'яўляецца падазраваным у здзяйсненні сур'ёзных крымінальных злачынстваў, таму цаню, што і пракуратура, і паліцыя займаюцца гэтай справай і не «замялі яе пад дыван», — дадаў Грёлінг.