Сабаленка другі год запар выйшла ў фінал і Індыян-Уэлса, і Маямі

• 27.03.2026, 10:51

Раней гэта ўдавалася толькі Шарапавай.

Беларуска Арына Сабаленка другі год запар выйшла ў фіналы абодвух турніраў «Сонечнага дубля» — Індыян-Уэлс і Маямі. Раней з 1989 года, калі абодва турніры сталі праходзіць адзін за адным, гэтага дамагалася толькі Марыя Шарапава (2012–2013), піша sportmail.ru.

Акрамя таго, Сабаленка стала трэцяй тэнісісткай з 1989 года, якая выйграла свае першыя пяць паўфіналаў у Індыян-Уэлсе і Маямі. Да яе гэта ўдавалася толькі Моніцы Селеш і Серэне Уільямс.

Таксама Сабаленка стала чацвёртай тэнісісткай у XXI стагоддзі, якая дайшла да фіналаў на сваіх першых чатырох турнірах сезона. Раней гэта зрабілі Марціна Хінгіс (2001), Серэна (2003) і Вікторыя Азаранка (2012).