Дзіця вырашыла папіць «вады» з бутэлькі — трапіла ў рэанімацыю

• 27.03.2026, 14:14

Выпадак адбыўся ў Капыльскім раёне.

Хлопчык 2017 года нараджэння з Капыльскага раёна паступіў у мясцовую ЦРБ з атручваннем. Падрабязнасці паведамляе «Мінская праўда».

Выпадак адбыўся ў аграгарадку Цімкавічы. Хлопчык быў у сябе дома на ўчастку і зазірнуў у гаспадарчую пабудову.

Там стаяла бутэлька з-пад Coca-Cola, але адразу было відаць, што ўнутры не той напой. У ёй была празрыстая вадкасць, якую дзіця прыняла за ваду.

У выніку хлопчык зрабіў некалькі глыткоў растваральніка лакофарбавых матэрыялаў.

На шчасце, бацька дзіцяці хутка даведаўся пра здарэнне і адразу даставіў яго ў бальніцу. Пацярпелага накіравалі ў рэанімацыйнае аддзяленне, дзе і аказалі дапамогу.

Паводле інфармацыі медыкаў, хлопчык у свядомасці, кантактны, пагрозы яго жыццю няма. Пасля некалькіх дзён назірання яго плануюць выпісаць дадому.

Цяпер усе абставіны здарэння высвятляе Капыльскае раённае аддзяленне СК.