Брэд Піт змяніўся да непазнавальнасці

• 27.03.2026, 16:44

Што з ім адбылося?

62-гадовы амерыканскі акцёр Брэд Піт прыехаў у Амстэрдам на здымкі фільма «Вершнікі», дзе зорку заўважылі ў вельмі незвычайным для яго вобразе.

Былы муж Анджэліны Джолі прыбыў у сталіцу Нідэрландаў для здымак новай стужкі «Вершнікі» рэжысёра Эдварда Бергера. Брэда заўважылі ў незвычайным выглядзе — з растрапанымі валасамі, шнаром на ілбе і ў зношаным адзенні. Пра гэта паведамляе выданне Dutchnews.

Для здымак у цэнтры Амстэрдама часова перакрылі вуліцы і ўсталявалі спецыяльныя дэкарацыі.

Здымкі «Вершнікаў» праходзяць у розных лакацыях сталіцы, у прыватнасці каля ракі Амстэл і на каналах. А для сцэн выкарыстоўвалі плавучы дом, стваралі атмасферу занядбанасці з дапамогай дэкарацый з плакатамі і смеццем.

Нягледзячы на грым, Брэда Піта адразу пазнавалі мінакі і здымалі яго на відэа.

Паводле сюжэта, герой Брэда разам з жонкай пераязджае з Аўстраліі ў Ірландыю, але пасля гэтага жанчына знікае. Галоўны герой адпраўляецца на яе пошукі па Еўропе. Фільм пачалі здымаць у Грэцыі.