Эксперт: «Санкцыі» з боку СБУ знішчаюць эканоміку РФ

• 27.03.2026, 17:42

Экспарт нафты скарачаецца з-за атак.

Служба бяспекі Украіны пад кіраўніцтвам генерал-маёра Яўгена Хмары выйшла на небачаны раней узровень дальнабойных удараў па краіне-агрэсарцы Расіі, піша палітолаг і экс-нардэп Аляксандр Чарненка у блогу на «Цензор.НЕТ».

Эксперт прыводзіць свежую ацэнку вядучага сусветнага агенцтва Reuters пра тое, што ў Расіі спынена 40% нафтавых экспартных магутнасцяў.

«Гэта вынік сістэмных удараў дальнабойных дронаў СБУ па крытычнай інфраструктуры — нафтавых тэрміналах, рэзервуарных парках і вузлах адгрузкі. Пасля таго як Хмара ўзначаліў службу, дальнабойныя ўдары па РФ узмацніліся і набылі пастаянны і сістэмны характар», — лічыць палітолаг.

Паводле яго слоў, спыніць 40% нафтавага экспарту Расіі — гэта ўзровень, які не сніўся ні ЗША, ні Еўрапейскаму саюзу. «Падобна, для ворага цяпер заўсёды будзе «воблачнае надвор'е» і ападкі ў выглядзе дронаў службы», — заяўляе эксперт.

Чарненка нагадвае, што СБУ некалькі разоў на гэтым тыдні магутна паразіла аб'екты на Балтыцы, у прыватнасці парты Прыморск і Усць-Луга.

«Гэта асноўныя экспартныя «вароты» расійскай нафты на заходнія рынкі. Такую інтэнсіўнасць Расія не вытрымлівае! Паўторныя ўдары не дазваляюць хутка аднаўляць пашкоджаныя магутнасці. Гэта стварае мультыплікатыўны эфект: падзенне валютных паступленняў, рост выдаткаў на лагістыку і страхаванне, павышэнне рызык для замежных пакупнікоў», — рэзюмуе палітолаг.