У порце Усць-Луга ў РФ адбыўся бунт рабочых

27.03.2026, 18:18

Канфлікт з аховай перарос у сутыкненні.

У расійскім порце Усць-Луга ў ноч на 27 сакавіка адбыліся масавыя беспарадкі сярод работнікаў на фоне атакі беспілотнікаў і абмежавання доступу да працы. Канфлікт з аховай перарос у сутыкненні, падчас якіх службовы аўтамабіль уехаў у натоўп, а частку ўдзельнікаў затрымалі.

Беспарадкі пачаліся з-за забароны выхаду на змену для часткі работнікаў, большасць з якіх з'яўляюцца працоўнымі мігрантамі.

Абмежаванне доступу да працы падчас начной атакі дронаў выклікала незадаволенасць і хутка перарасло ў канфлікт з аховай тэрмінала. Падчас сутыкнення аўтамабіль службы бяспекі ўехаў у натоўп людзей.

Частку ўдзельнікаў беспарадкаў затрымалі праваахоўнікі і байцы ОМОН, аднак пратэсты не спыніліся і раніцай. Паводле паведамленняў асобных СМІ, сярод удзельнікаў канфлікту былі грамадзяне Казахстана, а першапачатковай прычынай спрэчкі стала лакальная сварка, якая ў далейшым перарасла ў масавыя беспарадкі, піша «Фокус».

На дадзены момант казахстанскія дыпламаты падтрымліваюць кантакт з паліцыяй Санкт-Пецярбурга і Ленінградскай вобласці, а таксама ўдакладняюць колькасць пацярпелых і іх прававы статус.

У порце Усць-Луга ў РФ адбыўся бунт рабочых

Апошнія навіны