БелАЗ раздаўіў пазадарожнік на Сахаліне

• 27.03.2026, 22:04

Адзін чалавек загінуў, другі ў бальніцы.

На Сахаліне БелАЗ раздаўіў пазадарожнік з людзьмі. Пра гэта паведамляе тэлеграм-канал Amur Mash.

«Трагедыя адбылася на Солнцаўскім вугальным разрэзе Усходняй горнаруднай кампаніі. Кар’ерны самазвал наехаў на «УАЗ Патрыёт» — у апошняй машыне былі бульдазерыст і майстар», — паведамляецца ў публікацыі.

Паводле даных канала, у выніку здарэння адзін з мужчын атрымаў траўмы, несумяшчальныя з жыццём, другі — сур’ёзную траўму нагі: цяпер ён у цяжкім стане ў Углегорскай ЦРБ.

Таксама паведамляецца, што фірма ўзяла на сябе выдаткі на лячэнне пацярпелага работніка.