Тайланд дамовіўся з Іранам аб транзіце суднаў праз Армузскі праліў

• 28.03.2026, 10:26

Пагадненне мае стратэгічнае значэнне для Тайланда.

Прэм'ер-міністр Тайланда Анутын Чарнвіракул заявіў, што краіна дамовілася з Іранам аб бяспечным праходзе тайландскіх нафтавых танкераў праз Армузскі праліў.

Пра гэта паведамляе The Times of Israel.

«Была дасягнута дамоўленасць аб забеспячэнні бяспечнага транзіту тайландскіх нафтавых танкераў праз Армузскі праліў», — заявіў Чарнвіракул на прэс-канферэнцыі.

На фоне напружанасці вакол Армузскага праліва такое пагадненне мае стратэгічнае значэнне для Тайланда, які імкнецца забяспечыць бяспеку паставак энерганосьбітаў.

Паводле слоў прэм'ера, дамоўленасць павінна зменшыць занепакоенасць адносна імпарту паліва ў краіну.