У Мінску экскаватар урэзаўся ў грузавік і гарадскі аўтобус

• 28.03.2026, 13:24

Пацярпелі чатыры пасажыры.

ДТЗ з удзелам трох транспартных сродкаў адбылося 28 сакавіка ў Мінску. Падрабязнасці аварыі паведамілі ў ДАІ.

23-гадовы кіроўца пагрузчыка-экскаватара Caterpillar каля скрыжавання Ігуменскага тракту з вуліцай Прушынскіх пры перабудаванні не пераканаўся ў бяспецы манеўру і ўрэзаўся ў грузавік «МАЗ». Ад удару пагрузчык адкінула на аўтобус «МАЗ».

«Чатыры пасажыры аўтобуса дастаўлены ў установу аховы здароўя», — паведамілі ў ДАІ.