«Кожная секунда на рахунку»

• 28.03.2026, 18:11

Лётчык з Германіі распавёў пра вылеты для суправаджэння расійскіх самалётаў.

Ваенныя лётчыкі з Германіі ўсё часцей падымаюцца ў паветра для перахопу расійскіх самалётаў каля ўсходніх межаў НАТА. Пра гэта BILD распавёў лётчык Бундэсвера, які нясе службу на базе Мальборк у Польшчы непадалёк ад Калінінградскай вобласці.

Паводле яго слоў, трывогу абвяшчаюць рэгулярна, а на вылет адводзяцца лічаныя хвіліны.

«Як толькі празвініць званок, кожная секунда на рахунку. Мы надзяваем жылеты, хапаем шлемы і бяжым да аўтамабіляў, якія адвязуць нас да самалёта. Мы заскакуем у самалёт, наземны персанал усё рыхтуе, закрывае кабіну і дастае ахоўныя шплінты з ракет», — распавёў лётчык.

Ужо ў паветры мы атрымліваем заданне: як правіла, гаворка ідзе пра расійскія ваенныя самалёты з выключанымі транспандэрамі, якія набліжаюцца да паветранай прасторы НАТА.

«Канешне, бачыш і ўзбраенне, якое ў расіян на борце. У такой сітуацыі трэба ўмець дзейнічаць гнутка. Мы падлятаем, глядзім, што яны робяць, пэўны час ляцім побач з імі. У мяне заўсёды ў галаве: мы ўсе людзі, і расіяне таксама. Але ўрэшце рэшт гэта ўсяго толькі націск кнопкі. І ракета ўжо ляціць», — адзначыў лётчык.

Паводле звестак BILD, на ўсходнім флангу НАТА адбываецца каля 40 падобных вылетаў у месяц.