Польшча падоўжыла памежны кантроль на мяжах з Германіяй і Літвой

• 28.03.2026, 21:41

Да 1 кастрычніка.

Польшча на перыяд з 5 красавіка па 1 кастрычніка падаўжае памежны кантроль на мяжах з Германіяй і Літвой. Пра гэта ў суботу, 28 сакавіка, паведамілі ў Міністэрстве ўнутраных спраў і адміністрацыі Польшчы ў сацсетцы X.

«Гэта рашэнне абумоўлена неабходнасцю супрацьдзеяння нелегальнай міграцыі і забеспячэння ўнутранай бяспекі», — падкрэслілі ў ведамстве.

За парадкам сочаць супрацоўнікі Памежнай варты (памежнай службы) Польшчы, польскай паліцыі і жаўнеры войскаў тэрытарыяльнай абароны.