СМІ: Ліквідаваны кіраўнік іранскай ядзернай праграмы

• 28.03.2026, 22:28

Алі Фулаванд быў ключавой фігурай ваенных распрацовак.

Апазіцыйны сайт Iran International са спасылкай на іранскія СМІ паведамляе пра ліквідацыю кіраўніка «Арганізацыі абаронных даследаванняў» Алі Фулаванда. Гэтая арганізацыя займаецца, у тым ліку і стварэннем ядзернай зброі.

Адзначаецца, што СМІ Ірана нібыта апісваюць яго як простага грамадзяніна, а не як ключавую фігуру ваенных распрацовак. Таксама паведамляецца, што ён выжыў пры спробе ліквідацыі падчас 12-дзённай вайны ў чэрвені 2025 года. Падчас удару загінула яго жонка.

Заснавальнікам Арганізацыі абаронных даследаванняў называюць кіраўніка іранскай ядзернай праграмы Мохсена Фахрызадэ, які быў забіты ў лістападзе 2020 года. Ліквідацыю вучонага прыпісваюць Ізраілю. Ягоны пераемнік Рэза Мазафары-Ніа быў ліквідаваны падчас 12-дзённай вайны.